Կատալոնական «Բարսելոնայի» հարձակվող Անսու Ֆատին հայտավորվել է «Լևանտեի» դեմ Իսպանիայի առաջնության 7-րդ տուրի հանդիպմանը, hաղորդում է ակումբի մամուլի ծառայությունը:
2020թ. նոյեմբերի 7-ից հետո 18-ամյա ֆուտբոլիստն առաջին անգամ է ընդգրկվել կատալոնացիների հայտացուցակում: Այդ ժամանակ նա «Բետիսի» դեմ խաղում ստացել էր ծնկի ծանր վնասվածք, որի պատճառով բաց թողեց 10 ամիս:
Հիշեցնենք, որ վերջերս Անսու Ֆատին ստացել էր «Բարսելոնայի» 10 համարի մարզաշապիկը, որով 2008 թվականից հանդես էր գալիս ֆրանսիական ՊՍԺ տեղափոխված արգենտինացի հարձակվող Լիոնել Մեսին: Նախորդ մրցաշրջանում Ֆատին կատալոնական ակումբի կազմում անցկացրել է 10 հանդիպում, դարձել 5 գոլի ու 4 գոլային փոխանցման հեղինակ:
!! @ANSUFATI gets the green light!
— FC Barcelona (@FCBarcelona) September 25, 2021
All the details: https://t.co/v8GRGEwW8W pic.twitter.com/KJb4xYM4RN
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։