Յուրգեն Կլոպ․ «Բրենթֆորդը» ցուցադրում է անհավանական ֆուտբոլ

Անգլիական «Լիվերպուլի» գերմանացի գլխավոր մարզիչ Յուրգեն Կլոպը խոսել է «Բրենթֆորդի» մասին, որի հետ նրա ղեկավարած թիմը կմրցի Պրեմիեր լիգայի 6-րդ տուրում։

«Անհավանական ֆուտբոլ է ցուցադրում «Բրենթֆորդը»։ Ակումբում կազմակերպումը ամենաբարձր մակարդակի վրա է։ Թիմի գլխավոր մարզիչ Թոմաս Ֆրանկն ու ամբողջ ակումբը հրաշալի աշխատանք են կատարում։ Նրանք ցույց են տալիս, որ փոքր բյուջեով էլ կարելի է ստեղծել իսկապես առանձնահատուկ մի բան։

Նրանց բոլոր խաղացողները գիտեն, թե ինչ պետք է անեն խաղադաշտում։ Տեսել եմ, թե ինչպես էին նրանա նշում հաղթանակը «Արսենալի» նկատմամբ։ Հրաշալի էր տեսնել, թե ինչ մեծ նշանակություն ունի այդ հաղթանակը «Բրենթֆորդի» համար»,- Կլոպի խոսքը մեջբերում է BBC-ն։

«Բրենթֆորդ» - «Լիվերպուլ» հանդիպումը տեղի կունենա սեպտեմբերի 25-ին եւ կմեկնարկի Երեւանի ժամանակով 20։30-ին։