Հայաստանի առաջատար գեղասահորդ Սլավիկ Հայրապետյանը Գերմանիայի Օբերստդորֆ քաղաքում անցկացվող Nebelhorn Trophy 2021-ի տղամարդկանց մենասահքի մրցման ավարտից հետո մեկնաբանել է իր մրցելույթը։
«Արեցի այն, ինչ կարող էի այս պահի դրությամբ, բայց դա չբավականացրեց օլիմպիական վարկանիշ ստանալու համար: Պեկին-2022-ի Օլիմպիական խաղերի համար սա վերջին վարկանիշային մրցաշարն էր»,- ասաց Սլավիկ Հայրապետյանը NEWS.am Sport-ի թղթակցի հետ զրույցում:
Սլավիկ Հայրապետյանը երկու օրերի ծրագրերի հետո զբաղեցրել է 11-րդ տեղը։ Վիճարկվում էր 7 ուղեգիր։
Սեպտեմբերի 24-ին տեղի է ունեցել նաեւ Nebelhorn Trophy 2021-ի պարային զույգերի կարճ ծրագիրը։ Հայաստանի ներկայացուցիչներ Թինա Կարապետյանն ու Սիմոն Սենեկալը կարճ ծրագրից հետո երրորդն են։ Այս մրցաձեւում վիճարկվում է 4 ուղեգիր։
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։