Չավին չի բանակցի «Բարսելոնայի» հետ, քանի դեռ Կումանը չի հեռացվել

21:55   24 սեպտեմբերի, 2021

«Բարսելոնայի» եւ Իսպանիայի հավաքականի նախկին կիսապաշտպան, Քաթարի «Ալ Սադի» գլխավոր մարզիչ Չավին ցանկություն չունի բանակցել կատալոնական ակումբի հետ, քանի դեռ հոլանդացի Ռոնալդ Կումանը զբաղեցնում է թիմի գլխավոր մարզիչի պաշտոնը, հաղորդում է իսպանական Marca-ն։

Չավին մեծ հարգանքով է վերաբերվում Կումանին, նրան համարում է «Բարսելոնայի» լեգենդներից մեկը եւ չի ցանկանում բանակցել այս պահին։

«Բարսելոնայի» ղեկավարությունը Կումանի ապագայի վերաբերյալ որոշում կընդունի առաջիկա մի քանի հանդիպումների արդյունքում։ Կումանի պայմանագիրը նախատեսված է մինչեւ այս մրցաշրջանի ավարտը։

«Բարսելոնայի» գլխավոր մարզիչի թեկնածուներից է նաեւ Բելգիայի հավաքականի իսպանացի գլխավոր մարզիչ Ռոբերտո Մարտինեսը։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։