Արման Ծառուկյան. Կարծում եմ՝ 3 մենամարտից կպայքարեմ UFC-ի չեմպիոնական գոտու համար
12:44 24 սեպտեմբերի, 2021UFC-ում հանդես եկող ռուսաստանցի մարտիկ Արման Ծառուկյանը խոսել է առաջիկա ծրագրերի մասին:
«Ես ինձ համարում եմ UFC-ի լավագույն թեթև քաշայինն այս պահին, և իրատեսորեն եմ գնահատում իմ հնարավորությունները: Եթե չլինեի այդքան ինքնավստահ, ապա ի՞նչ իմաստ կունենար շարունակել ելույթներս: Այդ դեպքում կթողնեի MMA-ն ու մի կողմ կգնայի: Չէի ցանկանա մենամարտի դուրս գալ այն զգացողությամբ, որ կարող եմ պարտվել որևէ մեկին:
Կարծում եմ՝ մոտ 3 մենամարտից կամ 1.5 տարուց կունենամ չեմպիոնական տիտղոսի համար մենամարտելու հնարավորություն: Այնպես որ, 2 տարուց ես պետք է դառնամ UFC-ի չեմպիոն»,- հայ մարտիկի խոսքը մեջբերում է «Советский спорт»-ը:
Հարցին, թե իր համար ավելի կարևոր կլիներ օլիմպիական չեմպիոն դառնալը, թե UFC-ի չեմպիոնությունը, 24-ամյա մարտիկը պատասխանել է. «Կարծում եմ՝ պատասխանն ակնհայտ է: Ինձ պետք է UFC-ի չեմպիոնական գոտին»:
Հիշեցնենք, որ ամերիկացի Խրիստոս Գիագոսի նկատմամբ հաղթանակից հետո Արման Ծառուկյանն UFC-ի թեթև քաշային կարգի դասակարգման աղյուսակում առաջադիմել էր մեկ աստիճան և բարձրացել 13-րդ տեղ: Սեպտեմբերի 18-ին Լաս Վեգասում տեղի ունեցած խառը մենամարտերի UFC Fight Night 192 մրցաշարում նա 31-ամյա Գիագոսին առաջին ռաունդում հաղթել էր տեխնիկական նոկաուտով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։