Լապորտա․ Կումանի ապագան «Բարսելոնայում» կախված չէ այսօրվա խաղի արդյունքից

«Բարսելոնայի» նախագահ Ժոան Լապորտան թիմի հոլանդացի գլխավոր մարզիչ Ռոնալդ Կումանի ապագան կատալոնական ակումբում չի կապում Իսպանիայի առաջնության 6-րդ տուրի խաղի արդյունքի հետ։ «Բարսելոնան» կհյուրընկալվի «Կադիսին»։

«Կումանի ապագան կախված չէ այսօրվա հանդիպման արդյունքից։ Մենք մեր մարզիչի հետ ենք, նա է գլխավորը թիմում։ Մենք ցանկանում են, որ ամեն ինչ կարգին լինի»,- Լապորտայի խոսքը մեջբերում է ESPN-ը։

Իսպանական մամուլը գրել էր, որ «Բարսելոնայի» ղեկավարությունը փոխարինող է փնտրում Կումանին, որի գործող պայմանագիրը նախատեսված է մինչեւ այս մրցաշրջանի ավարտը։

«Կադիս» - «Բարսելոնա» հանդիպումը կմեկնարկի Երեւանի ժամանակով կեսգիշերին։