Ռոբերտո Մարտինեսը պատրաստ է գլխավորել «Բարսելոնան» Ազգերի լիգայից հետո

23:01   22 սեպտեմբերի, 2021

Ֆուտբոլի Բելգիայի հավաքականի իսպանացի գլխավոր մարզիչ Ռոբերտո Մարտինեսը պատրաստ է գլխավորել «Բարսելոնան»։ Կատալոնական ակումբի ղեկավարությունը հոլանդացի գլխավոր մարզիչ Ռոնալդ Կումանին հրաժեշտ տալու մտադրություն ունի եւ գլխավոր թեկնածու է համարում Ռոբերտո Մարտինեսին, որը պատրաստ է քննարկել առաջարկը Ազգերի լիգայից հետո, հաղորդում է Goal.com-ը։

Բելգիայի հավաքականը հոկտեմբերի 7-ին Ազգերի լիգայի կիսաեզրափակիչում կմրցի աշխարհի չեմպիոն Ֆրանսիայի հետ։ Մրցաշարի եզրափակիչը եւ երրորդ տեղի համար հանդիպումը հոկտեմբերի 10-ին են։

«Բարսելոնայի» նախագահ Ժոան Լապորտան համակրանքով է վերաբերվում Ռոբերտո Մարտինեսին։ Ակումբի նախագահի խորհրդական Ժորդի Կրոյֆը մարզիչի մտերիմ ընկերն է։

48-ամյա մասնագետը Բելգիայի հավաքականը գլխավորում է 2016 թվականից։ Նրա ղեկավարությամբ թիմը դարձել է 2018թ․ աշխարհի առաջնության բրոնզե մեդալակիր՝ ցույց տալով լավագույն արդյունքը իր պատմության մեջ։ 

Ռոբերտո Մարտինեսը նախկինում գլխավորել է Ուելսի «Սուոնսին», անգլիական «Ուիգանն» ու «Էվերտոնը»։



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։