Մոսկվայում անցկացվող բռնցքամարտի բանակայինների աշխարհի առաջնությունում Հայաստանի համար մեդալ ապահովեց 69 կգ քաշային Արմեն Մաշակարյանը։
Քառորդ եզրափակիչում նա մրցեց Բրազիլիայի ներկայացուցիչ Լուիս Սիլվա Ռոդրիգեսի հետ եւ առավելության հասավ մրցավարների որոշմամբ։
Բրազիլացի մարզիչները բողոքարկել են մրցավարների որոշումը: Եթե որոշումը չփոխվի, ապա կիսաեզրափակիչում Մաշակարյանի մրցակիցը կլինի վենեսուելացի Քրիստիան Մեդինա Պալասիոն, հաղորդում է ՀԲՖ-ի մամուլի ծառայությունը:
Արմեն Մաշակարյանը առաջին շրջանում հաղթել էր ադրբեջանցի մարզիկին, 1/16 եզրափակիչում առավելության հասել Բելառուսի ներկայացուցիչ Դմիտրի Միլուշայի նկատմամբ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։