Ֆուտբոլի Հայաստանի Պրեմիեր լիգայի 7-րդ տուրում «Արարատ-Արմենիան» ընդունեց «Ուրարտուին» եւ առավելության հասավ 3։0 հաշվով։
Հանդիպման մեկնարկից առաջ «Արարատ-Արմենիայի» ռուսաստանցի գլխավոր մարզիչ Դմիտրի Գունկոն ստացավ Հայաստանի Պրեմիեր լիգայի օգոստոսի լավագույն մարզիչի մրցանակը։
«Արարատ-Արմենիային» հաղթանակ բերեցին հարձակվող Մաիլսոն Լիմայի (Կաբո Վերդե) դուբլը եւ կոտդիվուարցի հարձակվող Վիլֆրիդ Էզայի գոլը։
«Արարատ-Արմենիան» 7 հաղթանակից հետո առաջինն է եւ 3 միավորի առավելություն ունի երկրորդ տեղում ընթացող «Արարատի» նկատմամբ։ «Ուրարտուն» 6 խաղից հետո 9 միավորով 5-րդն է։
Հայաստանի առաջնություն, 7-րդ տուր
«Արարատ-Արմենիա» - «Ուրարտու»՝ 3։0
Մաիլսոն Լիմա, 47, 11մ, 51, Վիլֆրիդ Էզա, 81
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։