Պաշտոնական. Խամես Ռոդրիգեսը կխաղա Քաթարում

15:12   22 սեպտեմբերի, 2021

Անգլիական «Էվերտոնի» կոլումբացի կիսապաշտպան Խամես Ռոդրիգեսը կարիերան կշարունակի Քաթարի «Էր-Ռայան» ակումբում, hաղորդում է ակումբի մամուլի ծառայությունը:

30-ամյա ֆուտբոլիստն արդեն բուժզննում է անցել նոր թիմում, որի հետ պայմանագիր կկնքի առաջիկայում:

Խամես Ռոդրիգեսը 2020 թվականի սեպտեմբերին էր միացել «Էվերտոնին», որի կազմում այս մրցաշրջանում ոչ մի պաշտոնական հանդիպման չի մասնակցել։ Անցած մրցաշրջանում նա անգլիական ակումբում անցկացրել էր 26 հանդիպում, խփել 6 գոլ և կատարել 9 գոլային փոխանցում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։