Լուիս Սուարեսի դուբլը կամային հաղթանակ բերեց «Աթլետիկոյին» (տեսանյութ)

23:22   21 սեպտեմբերի, 2021

Իսպանիայի առաջնության 6-րդ տուրում չեմպիոն «Աթլետիկոն» հյուրընկալվեց «Խետաֆեին»։ Արգենտինացի Դիեգո Սիմեոնեի գլխավորած թիմը կամային հաղթանակ տարավ 2։1 հաշվով։

Դաշտի տերերը հանդիպման հաշիվը բացեցին 45-րդ րոպեին սերբ պաշտպան Ստեֆան Միտրովիչի գոլի շնորհիվ։ 74-րդ րոպեին կարմիր քարտ ստացավ «Խետաֆեի» իսպանացի կիսապաշտպան Կառլես Ալենյան։

Հյուրերը թվային առավելությունը գոլի վերածեցին 4 րոպե անց։ Պատասխան գոլը խփեց ուրուգվայցի հարձակվող Լուիս Սուարեսը, որն ավելացված ժամանակում նաեւ դուբլ ձեւակերպեց։

«Աթլետիկոն» 14 միավորով առաջին տեղում է եւ 1 միավոր առաջ է «Ռեալից», որը մեկ հանդիպում քիչ է անցկացրել։ «Խետաֆեն» 6 պարտությունից հետո նախավերջինն է։

Իսպանիայի առաջնություն, 6-րդ տուր

«Խետաֆե» - «Աթլետիկո»՝ 1։2 (տեսանյութ)

Ստեֆան Միտրովիչ, 45 - Լուիս Սուարես, 78, 90+1

Հեռացում՝ Կառլես Ալենյա («Խետաֆե»),74



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։