«Մանչեսթեր Յունայթեդը» կվաճառի Անտոնի Մարտիալին

22:28   21 սեպտեմբերի, 2021

Անգլիական «Մանչեսթեր Յունայթեդի» ղեկավարությունը որոշել է վաճառել ֆրանսիացի հարձակվող Անտոնի Մարտիալին, հաղորդում է Eurosport-ը։ Մանչեսթերյան ակումբը 25-ամյա ֆրանսիացի ֆուտբոլիստի վաճառքից ակնկալում է մոտ 50 միլիոն եվրո։ Տրանսֆերը կարող է տեղի ունենալ արդեն ձմռանը։

Անտոնի Մարտիալը 2015 թվականից է հանդես գալիս «Մանչեսթեր Յունայթեդում», որի հետ ընթացիկ մրցաշրջանում բոլոր մրցաշարերում մասնակցել է 5 հանդիպման, գոլով եւ գոլային փոխանցմամբ աչքի չի ընկել։

Ավելի վաղ հայտնի էր դարձել, որ «Մանչեսթեր Յունայթեդի» նորվեգացի գլխավոր մարզիչ Ուլե-Գունար Սուլշերը Անտոնի Մարտիալից բացի պատրաստ է բաժանվել նաեւ Դանի վան դե Բեկից, Ջեսի Լինգարդից, Ֆիլ Ջոնսից, Էրիկ Բայիից, Դիոգո Դալոտից եւ Ալեքս Տելեսից։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։