Ռուսաստանի ազգային հավաքականի գլխավոր մարզիչ Վալերի Կարպինը հրապարակել է թիմի ընդլայնված կազմը ֆուտբոլի աշխարհի առաջնության ընտրական մրցաշարում հոկտեմբերին կայանալիք 2 խաղերի համար:
Ցուցակում տեղ են գտել 34 ֆուտբոլիստներ, այդ թվում՝ Մոսկվայի «Դինամոյի» 18-ամյա կիսապաշտպան Արսեն Զախարյանը:
Հոկտեմբերի 8-ին Ռուսաստանի հավաքականը Կազանում կընդունի Սլովակիային, իսկ 3 օր անց Մարիբորում կմրցի սլովենացիների հետ:
Հիշեցնենք, որ այս ամիս Արսեն Զախարյանը դարձել էր Ռուսաստանի հավաքականում նորամուտը նշած ամենաերիտասարդ դաշտային խաղացողը։ Աշխարհի փոխչեմպիոն Խորվաթիայի հավաքականի դեմ ԱԱ-2022-ի ընտրական խաղում (0:0) նա ազգային թիմում նորամուտը նշել էր 18 տարեկան, 3 ամսական, 5 օրականում։ Դաշտային խաղացողներից նախորդ ռեկորդակիրը Ալան Ձագոևն էր՝ 18 տարեկան, 3 ամսական, 24 օրական։
Բոլոր դիրքերի խաղացողների համար ռեկորդը պատկանում է ԲԿՄԱ-ի դարպասապահ Իգոր Ակինֆեևին, որը ազգային թիմում նորամուտը նշել է 18 տարեկան և 20 օրականում։
View this post on Instagram
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։