«Աթլետիկոն» չհաղթեց տանը, Ֆալկաոն վերադարձը Լա Լիգա նշեց գոլով (տեսանյութ)

20:20   18 սեպտեմբերի, 2021

Իսպանիայի առաջնության 5-րդ տուրում Մադրիդի «Աթլետիկոն» տանը գոլազուրկ ոչ ոքի խաղաց Բիլբաոյի «Աթլետիկի» հետ և 11 միավորով ընթացիկ առաջատարն է: Խաղի վերջնամասում մադրիդյան ակումբից կարմիր քարտ ստացավ պորտուգալացի հարձակվող Ժոաո Ֆելիշը:

«Ռայո Վալյեկանոն» սեփական խաղադաշտում 3:0 հաշվով վստահ հաղթանակ տարավ «Խետաֆեի» նկատմամբ: «Ռայո Վալյեկանոյի» երրորդ գոլը խփեց փոխարինման դուրս եկած 35-ամյա կոլումբացի հարձակվող Ռադամել Ֆալկաոն, որը վերադարձը Լա Լիգա նշեց գոլով:

Հիշեցնենք, որ «Մոնակոյի», պորտուգալական «Պորտուի», անգլիական «Մանչեսթեր Յունայթեդի» ու «Չելսիի» նախկին հարձակվող Ֆալկաոն Իսպանիայում 2011-2013-ը հանդես է եկել Մադրիդի «Աթլետիկոյում»:

Իսպանիայի առաջնություն, 5-րդ տուր

«Աթլետիկո» - «Աթլետիկ»՝ 0:0 (տեսանյութ)

Հեռացում՝ Ժոաո Ֆելիշ, 78 («Աթլետիկո»)

«Ռայո Վալյեկանո» - «Խետաֆե»՝ 3:0 (տեսանյութ)

Օսկար Տրեխո, 8 (11մ), Պաթ Ցիս, 78, Ռադամել Ֆալկաո, 81

Չիրացված 11 մետրանոց՝ Էնես Ունալ, 86 («Խետաֆե»)



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։