Գերմանիայի առաջնության 5-րդ տուրում Մյունխենի «Բավարիան» սեփական խաղադաշտում 7 անպատասխան գնդակ ուղարկեց «Բոխումի» դարպասը: Դաշտի տերերից դուբլի հեղինակ դարձավ գերմանացի կիսապաշտպան Ջոշուա Կիմիխը:
«Բավարիայի» գոլերից մեկը խփեց լեհ հարձակվող Ռոբերտ Լևանդովսկին, որը դարձավ Բունդեսլիգայի 13 տնային խաղերում անընդմեջ գոլի հեղինակ դարձած առաջին ֆուտբոլիստը: Բացի այդ, 33-ամյա Լևանդովսկին բոլոր մրցաշարերում «Բավարիայի» կազմում գոլ խփեց 19-րդ խաղում անընդմեջ, ինչը ևս ռեկորդային ցուցանիշ է:
Another goal, another record! @Lewy_Official is the first player to score in consecutive #Bundesliga home games. #FCBBOC pic.twitter.com/9l7sqLzmUF
— Bundesliga English (@Bundesliga_EN) September 18, 2021
Այս հաղթանակից հետո «Բավարիան» շրջանցեց մեկ հանդիպում պակաս անցկացրած «Վոլֆսբուրգին» և 13 միավորով բարձրացավ առաջին տեղ:
«Հոֆենհայմը» 0:0 հաշվով ավարտեց «Արմինիայի» դեմ արտագնա հանդիպումը: Հայաստանի հավաքականի հարձակվող Սարգիս Ադամյանը «Հոֆենհայմի» կազմում փոխարինման դուրս եկավ 57-րդ րոպեին։ «Հոֆենհայմը» 5 միավորով 10-րդ տեղում է:
Գերմանիայի առաջնություն, 5-րդ տուր
«Բավարիա» - «Բոխում»՝ 7:0 (տեսանյութ)
Լերոյ Սանե, 19, Ջոշուա Կիմիխ, 27, 65, Սերժ Գնաբրի, 32, Վասիլիս Լամպրոպուլոս, 43 (ինքնագոլ), Ռոբերտ Լևանդովսկի, 61, Մաքսիմ Շուպո-Մոտինգ, 79
«Արմինիա» - «Հոֆենհայմ»՝ 0:0 (տեսանյութ)
«Աուգսբուրգ» - «Բորուսիա Մ.»՝ 1:0 (տեսանյութ)
Ֆլորիան Նիդերլեչներ, 81
«Մայնց» - «Ֆրայբուրգ»՝ 0:0 (տեսանյութ)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։