Մբապեն Մեսիից ու Նեյմարից զգալիորեն քիչ է վարձատրվում ՊՍԺ-ում

18:30   18 սեպտեմբերի, 2021

Փարիզի ՊՍԺ-ի ֆրանսիացի հարձակվող Կիլիան Մբապեն ֆրանսիական ակումբում ստանում է տարեկան 12 միլիոն եվրո աշխատավարձ, հաղորդում է L’Équipe-ը:

ՊՍԺ-ի մյուս 2 հարձակվողներ Լիոնել Մեսիի ու Նեյմարի տարեկան աշխատավարձը կազմում է 30 միլիոն եվրո:

Այս ամռանը Մբապեն ցանկանում էր տեղափոխվել Մադրիդի «Ռեալ», որը չկարողացավ ՊՍԺ-ի հետ փոխհամաձայնության գալ նրա տրանսֆերի հարցում:

Հիշեցնենք, որ ՊՍԺ-ի հետ 22-ամյա ֆուտբոլիստի գործող պայմանագիրը նախատեսված է մինչև 2022թ. հունիսի 30-ը: Ֆրանսիացի հարձակվողը 2017-ին «Մոնակոյից» վարձակալությամբ էր տեղափոխվել ՊՍԺ, որը հետագայում նրա տրանսֆերի համար վճարել է 145 միլիոն եվրո։



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։