Մեսին 3 տարում կարող է 110 միլիոն վաստակել ՊՍԺ-ում
13:35 18 սեպտեմբերի, 2021ՊՍԺ-ի նորեկ, արգենտինացի հարձակվող Լիոնել Մեսին առաջիկա 3 տարում կարող է 110 միլիոն եվրո վաստակել ֆրանսիական ակումբում, հաղորդում է L'Equipe-ը:
Պայմանագրի համաձայն՝ առաջին տարում 34-ամյա ֆուտբոլիստը կստանա 30 միլիոն եվրո, իսկ հաջորդ 2 մրցաշրջաններում նրա աշխատավարձը կարող է 10 միլիոնով բարձրանալ հավատարմության բոնուսի շնորհիվ: Պայմանագրի այդ կետը կակտիվանա, եթե Մեսին ՊՍԺ-ում անցկացնի 3 տարի:
Հիշեցնենք, որ Արգենտինայի հավաքականի ավագն օգոստոսի 10-ին փարիզյան ակումբի հետ կնքել է 2 տարվա պայմանագիր, որն ունի ևս մեկ տարով երկարաձգելու հնարավորություն:
Մեսիի պայմանագիրը կատալոնական «Բարսելոնայի» հետ ավարտվել էր հուլիսի 1-ին, ինչից հետո նա ստացել էր ազատ գործակալի կարգավիճակ: Արգենտինացին 2005 թվականից էր հանդես գալիս «Բարսելոնայի» գլխավոր թիմում, որի կազմում անցկացրել է 778 հանդիպում, դարձել 672 գոլի ու 305 գոլային փոխանցման հեղինակ, նվաճել 35 տիտղոս:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։