49-ամյա Յարոմիր Յագրը վերադարձը նշել է գոլով

12:50   18 սեպտեմբերի, 2021

Չեխ լեգենդար հոկեյիստ Յարոմիր Յագրը վնասվածքից հետո վերադարձը սառույց նշել է գոլով: 49-ամյա հոկեյիստը «Կլադնոյի» կազմում մասնակցել է «Լիբերեցի» դեմ Չեխիայի առաջնության խաղին: Նրա գոլը չի օգնել «Կլադնոյին», որը պարտվել է 2:3 հաշվով:

Յարոմիր Յագրը սեպտեմբերի սկզբնամասում վնասվածք էր ստացել «Սլավիայի» հետ ընկերական հանդիպման ժամանակ:

Հիշեցնենք, որ Յարոմիր Յագրը մինչև 2018 թվականի հունվար հանդես է եկել Հոկեյի ազգային լիգայում (NHL), որի պատմության երկրորդ ամենաարդյունավետ խաղացողն է: NHL-ում նա 1733 խաղում 1921 միավոր է հավաքել «Գոլ+փոխանցում» հաշվարկով: Այդ ցուցանիշով նրան գերազանցում է միայն կանադացի լեգենդար հոկեյիստ Ուեյն Գրետցկին, որը հավաքել է 2857 միավոր։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։