Իտալական «Ռոմայի» գլխավոր մարզիչ Ժոզե Մոուրինյոն մեկնաբանել է ՈւԵՖԱ-ի նորաստեղծ մրցաշար Կոնֆերենցիաների լիգայի խմբային փուլի առաջին տուրում Սոֆիայի ԲԿՄԱ-ի նկատմամբ տնային հաղթանակը 5:1 հաշվով:
«Ինձ ընդհանրապես չի գոհացնում մեր խաղը: Որակյալ խաղ չցուցադրեցինք: 2 օր առաջ մարզում էինք անցկացրել այդ ուղղությամբ, բայց եզրային պաշտպանները ճնշում չէին գործադրում, չէր բավականացնում ինտենսիվությունը, պարտվեցինք մի շարք մենապայքարներում:
Չեմ կարող ասել, որ շատ վատ խաղացինք, սակայն այս ելույթը լավն անվանել ևս չեմ կարող: Մեր կազմն ավելի ուժեղ է, քան մրցակցինը, սակայն չխաղացինք մեր հնարավորությունների առավելագույն սահմանով»,- պորտուգալացի մասնագետի խոսքը մեջբերում է Sky Sports-ը:
Հիշեցնենք, որ Հայաստանի հավաքականի կիսապաշտպան Հենրիխ Մխիթարյանը «Ռոմայի» փոխարինողների թվում էր, սակայն խաղադաշտ դուրս չեկավ: C խմբի մյուս խաղում նորվեգական «Բուդե-Գլիմտը» տանը 3:1 հաշվով հաղթել էր ուկրաինական «Զարյային»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։