«Սան Պաուլուն» հրաժեշտ է տվել Դանիել Ալվեսին

11:41   17 սեպտեմբերի, 2021

Բրազիլիայի հավաքականի պաշտպան Դանիել Ալվեսը հեռացել է բրազիլական «Սան Պաուլուից»: Կողմերը երկկողմ համաձայնությամբ խզել են պայմանագիրը, որը նախատեսված էր մինչև 2022 թվականի դեկտեմբեր, hաղորդում է ակումբի մամուլի ծառայությունը:

Ավելի վաղ նշվում էր, որ Տոկիո-2020 Օլիմպիական խաղերից հետո Ալվեսը չի վերադարձել ակումբ աշխատավարձի պարտքերի պատճառով: Նա կարող է կարիերան շարունակել ԱՄԷ-ում կամ Սաուդյան Արաբիայում:

Հիշեցնենք, որ բրազիլացին պատմության ամենատիտղոսակիր ֆուտբոլիստ և նվաճել է 42-րդ տիտղոս:

Դանիել Ալվեսը 2019 թվականից էր հանդես գալիս «Սան Պաուլուում»: Կարիերայի ընթացքում լեգենդար պաշտպանը հանդես է եկել նաև բրազիլական «Բայայում», իսպանական «Սևիլիայում» ու «Բարսելոնայում», Թուրինի «Յուվենտուսում» ու ֆրանսիական ՊՍԺ-ում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։