Չեմպիոնների լիգա. Պոկերի հեղինակ դարձած Հալերը՝ շաբաթվա լավագույն ֆուտբոլիստ (ֆոտո)

Ամստերդամի «Այաքսի» ֆրանսիացի հարձակվող Սեբաստիան Հալերը ճանաչվել է Չեմպիոնների լիգայի խմբային մրցաշարի առաջին տուրի լավագույն ֆուտբոլիստ, hաղորդում է ՈւԵՖԱ-ի մամուլի ծառայությունը:

Քվեարկության արդյունքում 27-ամյա Հալերն առաջ է անցել Ջուդ Բելինգեմից («Բորուսիա Դ.»), Ռոբերտ Լևանդովսկուց («Բավարիա») և Քրիստոֆեր Նկունկուից («Լայպցիգ»):

Լիսաբոնի «Սպորտինգի» դեմ խաղում (5:1) ֆրանսիացի հարձակվողը դարձել էր 4 գոլի հեղինակ և կրկնել է տպավորիչ ռեկորդ: Հալերը պատմության երկրորդ ֆուտբոլիստն է, որը պոկերի հեղինակ է դառնում Չեմպիոնների լիգայում նորամուտի խաղում: Նախկինում դա հաջողվել էր միայն հոլանդացի լեգենդար հարձակվող Մարկո վան Բաստենին: 1992-ին հոլանդացին իտալական «Միլանի» կազմում 4 գոլ էր խփել շվեդական «Գյոտեբորգին»:

 Four-goal Haller takes Player of the Week!#UCLPOTW | @PlayStationEU | #UCL pic.twitter.com/Sj4qiFzatN

— UEFA Champions League (@ChampionsLeague) September 16, 2021