ԱԱ-2023. Կանանց Հայաստանի հավաքականը մեկնարկեց խոշոր պարտությամբ

21:53   16 սեպտեմբերի, 2021

Ֆուտբոլի կանանց Հայաստանի ազգային հավաքականը խոշոր պարտությամբ մեկնարկեց 2023թ. աշխարհի առաջնության որակավորման փուլում:

F խմբի առաջին տուրում Արմեն Սանամյանի գլխավորած թիմը հյուրընկալվեց Նորվեգիայի հավաքականին և պարտվեց 0:10 հաշվով: 3 գոլ դաշտի տերերը խփեցին առաջին խաղակեսում, ևս 7 անգամ աչքի ընկան ընդմիջումից հետո: Հեթ-տրիկի հեղինակ դարձան նորվեգական «Ռոսեբնորգի» հարձակվող Լիզա-Մարիա Ուտլանդը և կատալոնական «Բարսելոնայի» կիսապաշտպան Կարոլինե Հանսենը:

F խմբում ընդգրկված են նաև Լեհաստանի, Բելգիայի, Ալբանիայի և Կոսովոյի հավաքականները: Սեպտեմբերի 21-ին հայկական թիմը Վազգեն Սարգսյանի անվան «Հանրապետական» ստադիոնում կընդունի Լեհաստանի հավաքականին:

Կանանց 2023թ. աշխարհի առաջնության որակավորման փուլ, F խումբ, առաջին տուր

Նորվեգիա – Հայաստան՝ 10:0

Գուրո Բերգսվանդ, 10, Կարոլինե Հանսեն, 28 (11մ), 78, 90+4, Կարինա Սաևիկ, 38, Լիզա-Մարիա Ուտլանդ, 47, 79, 87, Յուլի Բլակստանդ, 62, Էլիզաբեթ Տերլանդ, 90

Հայաստան. Լենա Անդրիասյան, Արմինե Խաչատրյան, Մարիա Սախինովա, Նորա Եղյան, Աննա Դալլաքյան, Սիդնեյ Վերմիլիոն, Օլգա Օսիպյան, Լիանա Ղազարյան, Անի Ղուկասյան, Անի Կարապետյան, Մարալ Արթին:



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։