«Չելսիի» ֆուտբոլիստի տունը թալանել են Չեմպիոնների լիգայի խաղի ժամանակ

19:51   16 սեպտեմբերի, 2021

Լոնդոնի «Չելսիի» ու Անգլիայի հավաքականի կիսապաշտպան Ռիս Ջեյմսի տունը թալանել են: Այդ մասին 21-ամյա ֆուտբոլիստը հայտնել է սոցցանցերում:

Միջադեպը տեղի է ունեցել սեպտեմբերի 14-ին, երբ Ջեյմսը «Չելսիի» կազմում մասնակցում էր ռուսական «Զենիթի» դեմ Չեմպիոնների լիգայի խմբային մրցաշարի առաջին տուրի հանդիպմանը (1:0):

Չարագործները ֆուտբոլիստի տանից գողացել են չհրկիզվող պահարանը, որի մեջ եղել են թանկարժեք իրեր, Չեմպիոնների լիգայի ու ՈւԵՖԱ-ի Սուպերգավաթի ոսկե մեդալներն ու Եվրո-2020-ի արծաթե մեդալը:

Ռիս Ջեյմսն Ինստագրամում հրապարակել է կողոպուտի տեսանյութը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։