Անչելոտի. Շատ կարևոր ու ծանր հաղթանակ էր
19:30 16 սեպտեմբերի, 2021Մադրիդի «Ռեալի» իտալացի գլխավոր մարզիչ Կառլո Անչելոտին մեկնաբանել է Իտալիայի չեմպիոն Միլանի «Ինտերի» նկատմամբ նվազագույն հաշվով հաղթանակը Չեմպիոնների լիգայի խմբային մրցաշարի առաջին տուրում:
«Սա շատ կարևոր ու ծանր հաղթանակ էր: Ընդհանուր առմամբ, լավ խաղացինք, թեև տեսա սխալներ: Տրամադրվածությունը լավն էր: Պաշտպանությունում վատ չաշխատեցինք: Իհարկե, առաջին խաղակեսում այնքան էլ հաջող չէինք գործում հակագրոհների ընթացքում:
Ընդմիջումից հետո ավելի շատ ազատություն տվեցինք Վինիսիուսին, և դա շատ բան փոխեց: «Ինտերը» շատ ինտենսիվ էր խաղում առաջին խաղակեսում, սակայն երկրորդում նվազեցրեց ճնշումը: Ռոդրիգոյի դաշտ դուրս գալուց հետո ավելի լավ էինք գործում եզրերում: Գիտեինք, որ բարդ է լինելու: Այս թիմն ունի ոչ միայն բարձր կարգ, այլև արդյունքի հասնելու ձգտում, ինչն ամենակարևորն է»,- իտալացի մասնագետի խոսքը մեջբերում է ՈւԵՖԱ-ի մամուլի ծառայությունը:
Հիշեցնենք, որ Միլանում տեղի ունեցած խաղում «Ռեալի» հաղթական գոլն 89-րդ րոպեին խփել էր բրազիլացի հարձակվող Ռոդրիգոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։