Ֆուտբոլի Իտալիայի առաջնության երրորդ տուրում «Ռոման» ընդունեց «Սասուոլոյին»։
Պորտուգալացի Ժոզե Մոուրինյոյի 1000-րդ հանդիպումը (638 հաղթանակ, 204 ոչ ոքի, 158 պարտություն) մարզչական կարիերայում հաղթական եղավ՝ 2։1։
«Ռոման» առաջինը հասավ հաջողության։ 37-րդ րոպեին աչքի ընկավ իտալացի կիսապաշտպան Բրիան Կրիստանտեն։
57-րդ րոպեին հավասարությունը վերականգնեց հյուրերի սերբ կիսապաշտպան Ֆիլիպ Ջուրիչիչը։
Հայաստանի հավաքականի կիսապաշտպան Հենրիխ Մխիթարյանը հռոմեական թիմի մեկնարկային կազմում էր եւ փոխարինվեց 70-րդ րոպեին։ Նրան փոխարինած իտալացի հարձակվող Ստեֆան Էլ-Շաարավին ավելացված առաջին րոպեին խփեց հաղթական գոլը։
«Ռոման» 9 միավորով բարձրացավ առաջին տեղ։ Նույնքան միավոր ունեն նաեւ «Միլանն» ու «Նապոլին»։ «Սասուոլոն» 9-րդն է՝ 4 միավոր։
Իտալիայի առաջնություն, երրորդ տուր
«Ռոմա» - «Սասուոլո»՝ 2։1 (տեսանյութ)
Բրիան Կրիստանտե, 37, Ստեֆան Էլ-Շաարավի, 90+1 - Ֆիլիպ Ջուրիչիչ, 57
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։