Բելֆորտն առաջին ռաունդում նոկաուտի ենթարկեց Հոլիֆիլդին

Ֆլորիդայի Հոլիվուդ քաղաքում անցկացված պրոֆեսիոնալ բռնցքամարտի Triller Fight Club երեկոյի ընթացքում պրոֆեսիոնալ բռնցքամարտի 2 քաշային կարգերում աշխարհի նախկին չեմպիոն, 58-ամյա լեգենդար ամերիկացի Էվանդեր Հոլիֆիլդը պարտվել է UFC-ի նախկին չեմպիոն Վիտոր Բելֆորտից, որը հենց առաջին ռաունդում նոկաուտի է ենթարկել մրցակցին։

Մենամարտը մեկնաբանել է ԱՄՆ նախկին նախագահ Դոնալդ Թրամփը։

Էվանդեր Հոլիֆիլդի անձնական քաշը 102,2 կգ է, Վիտոր Բելֆորտինը՝ 93,5 կգ։

Այդ մենամարտում Էվանդեր Հոլիֆիլդը փոխարինել էր պրոֆեսիոնալ բռնցքամարտի 6 քաշային կարգերում աշխարհի նախկին չեմպիոն Օսկար Դե Լա Հոյային, որի մոտ օրեր առաջ կորոնավիրուս էր հայտնաբերվել: 48-ամյա Դե Լա Հոյան նախորդ մենամարտն անցկացրել է 2018-ին։

Հիշեցնենք, որ վերջերս Էվանդեր Հոլիֆիլդը հայտարարել էր, որ ևս մեկ մենամարտ կանցկացնի սպորտին հրաժեշտ տալուց առաջ: Նա նախորդ մենամարտն անցկացրել է 2011 թվականին:

Evander Holyfield vs. Vitor Belfort - Full Fight Highlights pic.twitter.com/O3VpbrIcCL

— Pitbull (@Willian87420216) September 12, 2021

“WE LOVE TRUMP” chant breaks out at Holyfield vs Belfort fight @DonaldJTrumpJr pic.twitter.com/uW7S8pH3Ca

— Al Webb (@alwebbj) September 12, 2021