Լեգենդար բրազիլացի ֆուտբոլիստ, աշխարհի չեմպիոն, այժմ Բրազիլիայի դաշնային սենատոր (Սոցիալիստական կուսակցությունից) Ռոմարիոն Ռիո Դե Ժանեյրոյում ենթարկվել է անհետաձգելի վիրահատության։ Հեռացրել են 55-ամյա Ռոմարոյի լեղապարկը, հաղորդում է Goal.com-ը։
«Ռոմարիոն բժիշկների հսկողության տակ է եւ հիվանդանոցից դուրս կգրվի առաջիկա մի քանի օրում»,- նշվում է Բրազիլիայի Սոցիալիստական կուսակցության հաղորդագրությունում։
Ռոմարիոն Բրազիլիայի հավաքականում մասնակցել է 78 հանդիպման, խփել 63 գոլ, դարձել 1994թ․ աշխարհի չեմպիոն, 1989 եւ 1997 թվականների Ամերիկայի գավաթակիր։
Ակումբային կարիերայում ներկայացրել է բրազիլական «Վասկո դա Գաման» ու «Ֆլամենգոն», հոլանդական ՊՍՎ-ն, կատալոնական «Բարսելոնան», իսպանական «Վալենսիան»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։