Նյու Յորքում անցկացվող թենիսի ԱՄՆ-ի բաց առաջնությունում հայտնի դարձան կանանց մենախաղի եզրափակիչի մասնակիցները։
18-ամյա բրիտանացի Էմմա Ռադուկանուն կիսաեզրափակիչում հեշտ հաղթանակ տարավ հույն Մարիա Սակարիի նկատմամբ։ 1 ժամ եւ 24 րոպե տեւած պայքարն ավարտվեց 6։1, 6։4 հաշվով։
Ռադուկանուի մրցակիցը եզրափակիչում կլինի Կանադայի ներկայացուցիչ, 19-ամյա Լեյլա Ֆերնանդեսը (73-րդ ռակետ), որը կիսաեզրափակիչում մրցեց Բելառուսի ներկայացուցիչ, 23-ամյա Արինա Սաբալենկայի (երկրորդ ռակետ) հետ եւ առավելության հասավ երեք սեթում՝ 7:6 (7։3), 4:6, 6:4։ Մրցախաղը տեւեց 2 ժամ եւ 21 րոպե։
Stars are made under the bright lights in the big city.@leylahfernandez | #USOpen pic.twitter.com/MW0f6LyusA
— US Open Tennis (@usopen) September 10, 2021
Tennis is life x2 pic.twitter.com/40CKQrwwO7
— US Open Tennis (@usopen) September 10, 2021
Նրանք «Մեծ սաղավարտի» մրցաշարի եզրափակիչի ամենաերիտասարդ մասնակիցներն են 2004 թվականից հետո։ Այն ժամանակ ռուսաստանցի Մարիա Շարապովան Ուիմբլդոնի մրցաշարի հաղթոի կոչումը նվաճեց 17 տարեկանում։
Ռադուկանում ԱՄՆ-ի բաց առաջնության պատմության մեջ առաջին թենիսիստուհին է, որը եզրափակիչ է հասնում որակավորման փուլից։
1999 թվականից հետո սա «Մեծ սաղավարտի» մրցաշարի առաջին եզրափակիչն է, որում կխաղան մինչեւ 20 տարեկան թենիսիստուհիներ։ Այն ժամանակ 17-ամյա ամերիկացի Սերենա Ուիլյամսը եզրափակիչում պարտության մատնեց 18-ամյա շվեյցարացի Մարտինա Հինգիսին։
The last time we had an all-teenage women's singles final?@serenawilliams @mhingis in 1999 pic.twitter.com/xKqlowyqcR
— US Open Tennis (@usopen) September 10, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։