Խոակին Կապառոս․ Խաղի արդյունքն ամեն ինչի մասին վկայում է

Հայաստանի հավաքականի իսպանացի գլխավոր մարզիչ Խոակին Կապառոսը հետխաղային ասուլիսում մեկնաբանել է Գերմանիայից 0։6 հաշվով կրած պարտությունը աշխարհի առաջնության ընտրական մրցաշարի 5-րդ տուրի խաղում։

«Խաղի արդյունքն ամեն ինչի մասին վկայում է։ Շատ մեծ առավելություն ուներ Գերմանիայի հավաքականը։ Մենք չկարողացանք օգտագործել մեր հնարավորությունները։ Երբ չենք խաղում համապատասխան ռիթմով, չեն կիրառում պրեսինգ այդպես է լինում, առաջին խաղակեսում ոչ մի խախտում չարեցինք։ Այդքան արագ, այդքան բարձր տեխնիկայով թիմերի դեմ այսպիսի խաղով ստացվում է այսպիսի արդյունք։

Չեմ կարծում, որ այս խաղի համար հաջող հարց է Իշխան Գելոյանին խաղադաշտ դուրս բերելու եւ Ալեքսանդր Կարապետյանին պահեստայինների նստարանին թողնելու մասին»,- ասել է Կապառոսը։

Գերմանիայի հավաքականը 12 միավորով գլխավորեց J խմբի մրցաշարային աղյուսակը։ Հայաստանի հավաքականը 10 միավորով երկրորդն է։ Երրորդ տեղ բարձրացավ Ռումինիայի թիմը, որը 2։0 հաշվով հաղթեց Լիխտենշտեյնին եւ ունի 9 միավոր։

ԱԱ-2022, ընտրական մրցաշար, 5-րդ տուր

J խումբ

Գերմանիա - Հայաստան՝ 6։0 (տեսանյութ)

Սերժ Գնաբրի, 6, 15, Մարկո Ռոյս, 35, Տիմո Վերներ, 45, Յոնաս Հոֆման, 52, Քարիմ Ադեյեմի, 90+1

Հայաստան. Դավիթ Յուրչենկո, Հովհաննես Համբարձումյան (Դավիթ Տերերյան, 57), Վարազդատ Հարոյան, Տարոն Ոսկանյան, Կամո Հովհաննիսյան, Արտակ Գրիգորյան, Վբեյմար (Սոլոմոն Ուդո, 46), Խորեն Բայրամյան (Արտեմ Ավանեսյան, 84), Տիգրան Բարսեղյան (Վահան Բիչախչյան, 70), Հենրիխ Մխիթարյան, Սարգիս Ադամյան (Իշխան Գելոյան, 46)։