Իսլանդիայի մայրաքաղաք Ռեյկյավիկում ավարտին մոտեցող շախմատի Եվրոպայի անհատական առաջնության նախավերջին՝ 10-րդ տուրում Հայաստանի ներկայացուցիչներից հաղթանակի է հասել միայն Հայկ Մարտիրոսյանը, որը սպիտակ ֆիգուրներով ուժեղ է գտնվել հունգարացի Ֆելիքս Բլոհբերգերից:
Գաբրիել Սարգսյանը, Ռոբերտ Հովհաննիսյանը և Սամվել Տեր-Սահակյանը ոչ ոքի են ավարտել իրենց պարտիաները, իսկ Հայաստանի գործող չեմպիոն Հովհաննես Գաբուզյանը պարտություն է կրել:
Վերջին տուրից առաջ Գաբուզյանը, Հովհաննիսյանը, Մարտիրոսյանը և Սարգսյանն ունեն 6.5-ական միավոր, իսկ Տեր-Սահակյանը՝ 5.5: Միանձնյա առաջատարն է ռուս Անտոն Դեմչենկոն, որը հավաքել է 8 միավոր: 2-4-րդ տեղերը բաժանող շախմատիստներն ունեն 7.5-ական միավոր, ևս 10 մասնակիցներ հավաքել են 7 միավոր:
Մրցաշարին մասնակցում են 36 երկրների 180 շախմատիստներ, այդ թվում՝ 69 գրոսմայստեր։ Գաբրիել Սարգսյանը երկրորդ ամենաբարձր վարկանիշով (2682) շախմատիստն է մրցաշարում և զիջում է միայն անգլիացի Գավեյն Ջոնսին (2684):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։