ԵԱ. 9-րդ տուրում Հայաստանի ներկայացուցիչները հաղթանակ չտարան
09:11 4 սեպտեմբերի, 2021Իսլանդիայի մայրաքաղաք Ռեյկյավիկում ընթացող շախմատի Եվրոպայի անհատական առաջնության 9-րդ տուրում Հայաստանի ներկայացուցիչներին չի հաջողվել հաղթանակ տանել:
Հայաստանի գործող չեմպիոն Հովհաննես Գաբուզյանը, Գաբրիել Սարգսյանը, Ռոբերտ Հովհաննիսյանը և Հայկ Մարտիրոսյանը ոչ ոքի են ավարտել իրենց պարտիաները, իսկ Սամվել Տեր-Սահակյանը պարտություն է կրել:
Առաջնության ավարտից 2 տուր առաջ Հովհաննես Գաբուզյանը 6.5 միավորով չորրորդն է և 1 միավոր է հետ միանձնյա առաջատար, ռուս Անտոն Դեմչենկոյից: Հովհաննիսյանն ու Սարգսյանն ունի 6-ական միավոր, Մարտիրոսյանը՝ 5.5, իսկ Տեր-Սահակյանը՝ 5:
Մրցաշարին մասնակցում են 36 երկրների 180 շախմատիստներ, այդ թվում՝ 69 գրոսմայստեր։ Գաբրիել Սարգսյանը երկրորդ ամենաբարձր վարկանիշով (2682) շախմատիստն է մրցաշարում և զիջում է միայն անգլիացի Գավեյն Ջոնսին (2684):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։