Եվրոպայի լիգայի լավագույն ֆուտբոլիստը (ֆոտո)

Իսպանական «Վիլյառեալի» հարձակվող Խերարդ Մորենոն ճանաչվել է Եվրոպայի լիգայի նախորդ մրցաշրջանի լավագույն ֆուտբոլիստ, hաղորդում է ՈւԵՖԱ-ի մամուլի ծառայությունը:

Քվեարկության արդյունքում 29-ամյա իսպանացին առաջ է անցել անգլիական «Մանչեսթեր Յունայթեդի» ֆուտբոլիստներ Էդինսոն Կավանիից ու Բրունո Ֆերնանդեշից:

Նախորդ մրցաշրջանում Խերարդ Մորենոն «Վիլյառեալին» օգնել էր նվաճել Եվրոպայի լիգայի հաղթողի կոչումը: Անցկացրած 12 խաղերում նա դարձել էր 7 գոլի ու 4 գոլային փոխանցման հեղինակ:

 2021 champion Gerard Moreno voted Player of the Season after netting 7 goals in 12 games! #UEFAawards | #UELdraw pic.twitter.com/lsIeh5r8Uw

— UEFA Europa League (@EuropaLeague) August 27, 2021