ՉԼ․ Անցած մրցաշրջանի լավագույն խաղացողները՝ ըստ դիրքերի

21:27   26 օգոստոսի, 2021

Չեմպիոնների լիգայի խմբային փուլի վիճակահանության արարողության ժամանակ հրապարակվեցին նաեւ անցած մրցաշրջանի արդյունքում լավագույն դարպասապահի, պաշտպանի, կիսապաշտպանի եւ հարձակվողի կոչումներին արժանացած ֆուտբոլիստների անունները։

Լավագույն հարձակվող ճանաչվեց Դորտմունդի «Բորուսիայի» նորվեգացի հարձակվող Էրլինգը։ Մրցակին հավակնում էին նաեւ լեհ Ռոբերտ Լեւանդովսկին («Բավարիա) եւ ֆրանսիացի Կիլիան Մբապեն (ՊՍԺ)։

Լավագույն կիսապաշտպանի մրցանակին արժանացավ Չեմպիոնների լիգայի գավաթակիր Լոնդոնի «Չելսիի» ֆրանսիացի կիսապաշտպան Նգոլո Կանտեն։ Հավակնորդների եռյակում էին նաեւ բելգիացի Կեւին Դե Բրույնե («Մանչեսթեր Սիթի») եւ իտալացի Ժորժինյոն («Չելսի»)։

Լավագույն պաշտպան ճաչավեց պորտուգալացի Ռուբեն Դիաշը («Մանչեսթեր Սիթի»)։ Մրցանակին հավակնում էին նաեւ իսպանացի Սեզար Ասպիլիկուետան («Չելսի») եւ գերմանացի Անտոնիո Ռյուդիգերը («Չելսի»)։

Լավագույն դարպասապահը սենեգալցի Էդուար Մենդին («Չելսի») է։ Հավակնորդների եռյակում էին նաեւ բելգիացի Տիբո Կուրտուա («Ռեալ Մադրիդ») եւ բրազիլացի Էդերսոնը («Մանչեսթեր Սիթի»)։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։