Հայ շախմատիստները սկսում են պայքարը Եվրոպայի անհատական առաջնությունում

13:23   26 օգոստոսի, 2021

Իսլանդիայի մայրաքաղաք Ռեյկյավիկում օգոստոսի 26-ին կմեկնարկի շախմատի Եվրոպայի անհատական առաջնությունը: Հայաստանը կունենա 5 ներկայացուցիչ՝ գրոսմայստերներ Գաբրիել Սարգսյանը, Հովհաննես Գաբուզյանը, Հայկ Մարտիրոսյանը, Սամվել Տեր-Սահակյանը և Ռոբերտ Հովհաննիսյանը։

Գաբրիել Սարգսյանը երկրորդ ամենաբարձր վարկանիշով (2682) շախմատիստն է մրցաշարում և զիջում է միայն անգլիացի Գավեյն Ջոնսին (2684):

Մրցաշարին կմասնակցեն 36 երկրների 180 շախմատիստներ, այդ թվում՝ 69 գրոսմայստեր։ Առաջին տուրը կանցկացվի օգոստոսի 26-ին և կմեկնարկի Երևանի ժամանակով 19։00-ին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։