Ֆանատները ներխուժել են խաղադաշտ եւ հարձակվել «Մարսելի» ֆուտբոլիստների վրա (ֆոտո)

01:25   23 օգոստոսի, 2021

Ֆուտբոլի Ֆրանսիայի առաջնության երրորդ տուրի «Նիցա» - «Մարսել» հանդիպումը մնացել է անավարտ։ Վերջնամասում «Նիցայի» ուլտրասը տրիբունայից շիշ է նետել «Մարսելի» կիսապաշտպան Դիմիտրի Պայետի վրա։ Ֆուտբոլիստը շիշը վերցրել եւ հետ է նետել տրիբունա։

Դրանից հետո «Նիցայի» ֆանատները ներխուժել են խաղադաշտ եւ սկսվել է բախում, որին մասնակցել է նույնիսկ «Մարսելի» արգենտինացի գլխավոր մարզիչ Խորխե Սամպաոլին։ Հյուրերի մի քանի ֆուտբոլիստներ վնասվածքներ են ստացել բախման հետեւանքով։

Հանդիպումը դադարեցվել է 76-րդ րոպեին՝ «Նիցայի» օգտին 1։0 հաշվի ժամանակ։

Get French Football News-ը հայտնում է, որ «Մարսելի» ֆուտբոլիստները հրաժարվել են վերադառնալ խաղադաշտ եւ ավարտին հասցնել հանդիպումը։ 



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.