Հայաստանի ներկայացուցիչ Լյովա Գևորգյանը դարձավ Ուֆայում ընթացող ազատ ոճի ըմբշամարտի աշխարհի երիտասարդական առաջնության փոխչեմպիոն:
125 կգ քաշային կարգի եզրափակիչում հայ ըմբիշը լարված պայքարում պարտվեց (4:4) իրանցի Ալի Մոհամադեբրահիմ Ակբարպպուրխորդունիին և դարձավ արծաթե մեդալակիր: Իրանցի ըմբիշը վերջին վայրկյաններին հավասարեցրեց հաշիվը և հաղթեց վերջինը միավոր վաստակելու շնորհիվ։
Լյովա Գեւորգյանն օգոստոսի 17-ին պայքարը սկսել էր որակավորման փուլից և եզրափակիչի ճանապարհին հաղթել էր հունգարացի (10:0), հնդիկ (4:0) ու ադրբեջանցի (10:0) մրցակիցների:
Հայաստանի մյուս ներկայացուցիչներից Մանվել Խնձրցյանը (57 կգ) նվաճել է բրոնզե մեդալ, իսկ Լևիկ Միքայելյանը (61 կգ) պարտություն է կրել բրոնզե մեդալի համար գոտեմարտում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։