Քոնոր Մաքգրեգորը պատմել է, թե երբ կվերադառնա ութանկյուն
15:14 16 օգոստոսի, 2021Խառը մենամարտերի երկու քաշային կարգերում UFC-ի նախկին չեմպիոն, իռլանդացի Քոնոր Մաքգրեգորը պատմել է, թե երբ կվերադառնա ութանկյուն:
«Կվերադառնամ 2022-ին: Ապաքինումս արագ է ընթանում, աշխատում եմ լավագույն թիմի հետ: Կվերականգնվեմ ամենակարճ ժամանակում»,- թվիթերյան էջում գրել է 33-ամյա մարտիկը:
Հիշեցնենք, որ հուլիսի 11-ին Լաս Վեգասում տեղի ունեցած UFC 264 մրցաշարի գլխավոր մենամարտում Քոնոր Մագրեգորը պարտվել էր թեթևքաշային ամերիկացի Դասթին Պորիեին՝ առաջին ռաունդի վերջնամասում ձախ ոտնաթաթի կոտրվածք ստանալով։ Դա նրանց երրորդ մեկնամարտն էր: Մագրեգորը Պորիեին հաղթել է մեկ անգամ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։