Արթուր Ալեքսանյանը ցուցադրել է օլիմպիական մեդալների հավաքածուն (ֆոտո)
20:19 14 օգոստոսի, 2021Օլիմպիական խաղերի ոսկե, արծաթե ու բրոնզե մեդալակիր, աշխարհի եռակի ու Եվրոպայի հնգակի չեմպիոն, Եվրոպական խաղերի հաղթող, հունահռոմեական ոճի ըմբիշ Արթուր Ալեքսանյանը (97 կգ) գրառում է կատարել Ինստագրամի էջում:
«Շնորհակալ եմ իմ մարզիչներին, երկրպագուներին, ընտանիքին ու ընկերներին: Առանձնահատուկ շնորհակալություն հայրիկիս»,- գրել է 29-ամյա ըմբիշը՝ տեղադրելով օլիմպիական մեդալների լուսանկարը:
Հիշեցնենք, որ Ճապոնիայի մայրաքաղաք Տոկիոյում անցկացված 32-րդ ամառային Օլիմպիական խաղերում գյումրեցի ըմբիշը գրավել էր երկրորդ տեղը: Լոնդոն-2012 Օլիմպիական խաղերում նա դարձել էր բրոնզե մեդալակիր, իսկ Ռիո-2016-ում նվաճել էր չեմպիոնի կոչումը՝ 20 տարի անց Հայաստանին պարգևելով օլիմպիական ոսկե մեդալ:
View this post on Instagram
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։