UFC-ում հանդես եկող ամերիկահայ մարտիկ Էդմեն Շահբազյանն ամուսնության առաջարկ է արել իր ընտրյալին: Նրա ընկերուհ Կրիստինան դրական պատասխան է տվել:
Շահբազյանն անակնկալ է մատուցել ընկերուհուն: Նա տեսանյութեր է տեղադրել Ինստագրամի Story բաժնում:
Հիշեցնենք, որ Էդմեն Շահբազյանը հաջորդ մենամարտը կանցկացնի նոյեմբերի 6-ին: UFC 268 մրցաշարում նրա մրցակիցը կլինի Ֆրանսիան ներկայացնող Նասուրդին Իմավովը (10-3):
23-ամյա Շահբազյանը նախորդ մենամարտն անցկացրել է այս տարվա մայիսին՝ միավորներով պարտվելով շվեդ Ջեկ Հերմանսոնին: Դա նրա երկրորդ անընդմեջ պարտությունն էր UFC-ում: Խառը մենամարտերում անցկացրած 13 հանդիպումներում Շահբազյանը տարել 11 հաղթանակ ու կրել 2 պարտություն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։