Ռուսաստանցի Արման Ծառուկյանը մենամարտ կանցկացնի Լաս Վեգասում։ Խառը մենամարտերի UFC Fight Night 192 մրցաշարում 24-ամյա հայ մարզիկի մրցակիցը կլինի 31-ամյա ամերիկացի Քրիստոս Գիագոսը, հաղորդում է MMA Junkie-ն։ Մենամարտը տեղի կունենա սեպտեմբերի 18-ին։
Արման Ծառուկյանը ММА-ում տարել է 16 հաղթանակ, կրել 2 պարտություն։ UFC-ում մեկնարկային մենամարտում Իսլամ Մախաչեւին պարտվելուց հետո Ծառուկյանը երեք անընդմեջ հաղթանակ է տարել։ Գիագոսը խառը մենամարտերում ունի 19 հաղթանակ, 8 պարտություն։
Վերջերս Ծառուկյանն ընդգրկվել էր UFC-ի թեթև քաշային կարգի 15 լավագույն մարտիկների ցուցակում:
Հայ մարզիկը նախորդ մենամարտն անցկացրել է հունվարին տեղի ունեցած UFC 257 մրցաշարում, որտեղ մրցավարների միաձայն որոշմամբ հաղթել էր ամերիկացի Մեթ Ֆրեւոլային:
View this post on Instagram
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։