Միրալեմ Պյանիչը մոտ է «Յուվենտուս» վերադառնալուն

«Բարսելոնայի» կիսապաշտպան Միրալեմ Պյանիչը մոտ է «Յուվենտուս» վերադառնալուն։ Կատալոնական եւ իտալական ակումբները մոտ են 31-ամյա ֆուտբոլիստի վարձակալության վերաբերյալ մեկ տարվա պայմանագրի կնքմանը, հաղորդում է իսպանական AS-ը։ Հաջորդ ամռանը կողմերը հնարավորություն կունենան երկարաձգել պայմանագիրը կամ իրականացնել տրանսֆեր։

Բոսնիացի ֆուտբոլիստը համաձայնել է աշխատավարձի 20 տոկոս կրճատման, որպեսզի «Յուվենտուսը» խնդիրներ չունենա Ա Սերիայի կանոնադրության եւ ֆինանսական արդար խաղի կանոնների հետ։

Պյանիչը «Յուվենտուսում» հանդես է եկել 2016-2020 թվականներին։ Անցած մրցաշրջանում նա «Բարսելոնայի» հետ մասնակցել է 30 հանդիպման, արդյունավետ գործողություններով աչքի չի ընկել։