Հայաստանի հավաքականի թեկնածուն նորամուտը նշեց ռուսական Պրեմիեր լիգայում
23:29 8 օգոստոսի, 2021Մերձմոսկովյան «Խիմկիի» նորեկ, Հայաստանի ազգային հավաքականի թեկնածու Դավիթ Դավիդյանը նորամուտը նշեց ռուսական Պրեմիեր լիգայում։
Երրորդ տուրում «Խիմկին» ընդունեց «Ռոստովին»։ Գրանցվեց ոչ ոքի՝ 1։1։ Դավիդյանը փոխարինման դուրս եկավ 90-րդ րոպեին։
«Ռոստովի» կազմում ամբողջ հանդիպումն անցկացրեց Հայաստանի հավաքականի կիսապաշտպան Խորեն Բայրամյանը։
23-ամյա Դավիդյանը նախորդ մրցաշրջանից առաջ միացել էր «Ալաշկերտին», որի կազմում Հայաստանի ավարտված առաջնությունում մասնակցել է 19 խաղի, դարձել 5 գոլի ու 3 գոլային փոխանցման հեղինակ: Հայաստանում Դավիդյանը հանդես է եկել նաև «Արարատ-Արմենիայում» ու «Արարատում»:
Այս ամռանը Դավիդ Դավիդյանը հրավիրվել էր Հայաստանի հավաքական, սակայն վնասվածքի պատճառով չկարողացավ միանալ ազգային թիմին:
«Խիմկիի» հետ նա կնքել է երկու տարվա պայմանագիր։
Հիշեցնենք, որ «Խիմկիում» է հանդես գալիս Հայաստանի հավաքականի հարձակվող Արշակ Կորյանը, որը «Ռոստովի» դեմ խաղում մնաց պահեստայինների նստարանին։
«Խիմկին» 4 միավորով 6-րդն է, «Ռոստովն» ունի 1 միավոր եւ նախավերջինն է։
Ռուսաստանի առաջնություն, երրորդ տուր
«Խիմկի» - «Ռոստով»՝ 1։1
Դենիս Գլուշակով, 70, 11մ - Նիկոլայ Կոմլիչենկո, 14
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.