Ծանրամարտն օլիմպիական ծրագրից հանելու համար ՄՕԿ-ը հեշտացրել է ընթացակարգը
17:10 8 օգոստոսի, 2021Միջազգային օլիմպիական կոմիտեի գործադիր կոմիտեն այսուհետեւ իրավունք կունենա առանց ՄՕԿ-ի նստաշրջանում հավանություն ստանալու հանել մարզաձեւեր Օլիմպիական խաղերի ծրագրից, հաղորդում է կազմակերպության պաշտոնական կայքը։ Որոշումն ընդունվել է Տոկիոյում տեղի ունեցած ՄՕԿ-ի նստաշրջանում։
Մարզաձեւը կհանվի օլիմպիական ծրագրից, եթե «համապատասխան միջազգային ֆեդերացիան չի կատարում ՄՕԿ-ի գործադիր կոմիտեի որոշումները կամ եթե միջազգային ֆեդերացիայի գործողությունները ստվեր են գցում օլիմպիական շարժման հեղինակության վրա»։
Փոփոխության պատճառը Ծանրամարտի միջազգային ֆեդերացիայի հետ կապված դոպինգային եւ կոռուպցիոն սկանդալներն են։
Մեծ է հավանականությունը, որ ծանրամարտը կհանվի 2024թ․ Փարիզի Օլիմպիական խաղերի ծրագրից։ Բարեփոխումների եւ ՄՕԿ-ի գործկոմի պահանջների կատարման դեպքում, մարզաձեւը դարձյալ կընդգրկվի օլիմպիական ծրագրում 2028 թվականին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։