Նարեկ Աբգարյանի հերթական հաղթանակը պրոֆեսիոնալ ռինգում
20:10 7 օգոստոսի, 2021Թեթևագույն քաշային կարգում հանդես եկող Նարեկ Աբգարյանի 16-րդ մենամարտը պրոֆեսիոնալ ռինգում հաղթական է ստացվել:
Ռուսաստանի Եկատերինբուրգ քաղաքում տեղի ունեցած մենամարտում 29-ամյա բռնցքամարտիկը միավորներով հաղթել է Հարավաֆրիկյան Հանրապետությունը ներկայացնող Սաբելո Նգեբինյանային, որը պրոֆեսիոնալ ռինգում անցկացրած 18 մենամարտից 13-ում հաղթել է:
Նարեկ Աբգարյանը պրոֆեսիոնալ ռինգում անցկացրել է 16 մենամարտ, տարել 15 հաղթանակ ու կրել մեկ պարտություն: Նա նախորդ մենամարտն անցկացրել էր 2020թ. դետեմբերի 17-ին Լոս Անջելեսի WildCard Boxnig մարզադահլիճում և պարտվել մեքսիկացի Էդուարդու Բաեզին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։