Տոկիո-2020. Արթուր Ալեքսանյանն ու ըմբշամարտի մրցաշարի բոլոր մեդալակիրները

Ճապոնիայի մայրաքաղաք Տոկիոյում անցկացվող 32-րդ ամառային Օլիմպիական խաղերում ավարտվեց ըմբշամարտի մրցաշարը, որտեղ Հայաստանն ուներ 6 ներկայացուցիչ և նվաճեց մեկ արծաթե մեդալ: 4-ական ոսկե մեդալ նվաճեցին Ռուսաստանն ու Ճապոնիան, լավագույն եռյակը եզրափակեց ԱՄՆ-ը՝ 3 ոսկե մեդալ: 

Հայաստանի ներկայացուցիչներից հունահռոմեական ոճի ըմբշամարտի մրցաշարում երկրորդ տեղը գրավեց Արթուր Ալեքսանյանը (97 կգ), որն օլիմպիական ոսկե ու բրոնզե մեդալներին գումարեց նաև արծաթե մեդալ: 

Մեդալ նվաճելուն մոտ էր նաև հունահռոմեական ոճի մեկ այլ ըմբիշ Կարապետ Չալյանը (77 կգ), որը պարտություն կրեց բրոնզե մեդալի համար գոտեմարտում: Արմեն Մելիքյանը (60 կգ) և Կարեն Ասլանյանը (67 կգ) հաղթանակով մեկնարկելուց հետո պարտություն կրեցին քառորդ եզրափակիչում ու լքեցին պայքարը:

Ազատ ոճի ըմբշամարտի մրցաշարում Արսեն Հարությունյանը (57 կգ) և Վազգեն Թևանյանը (65 կգ) պարտվեցին մեկնարկային գոտեմարտերում:

Տոկիո-2020-ում նաև տեղի ունեցավ պատմական իրադարձություն: 38-ամյա կուբացի Միխայն Լոպես Նունիեսը (130 կգ) դարձավ պատմության առաջին ըմբիշը, որին հաջողվում է դառնալ քառակի օլիմպիական չեմպիոն։

Տոկիո-2020, ըմբշամարտի մրցաշարի բոլոր մեդալակիրները

Հունահռոմեկան ոճ

60 կգ

1. Լուիս Օրտա Սանչես (Կուբա)
2. Կենիտիրո Ֆումիտա (Ճապոնիա)
3. Սերգեյ Եմելին (Ռուսաստան) և Վալիհան Սայլիկե (Չինաստան)

67 կգ

1. Մոհամադրեզա Գերայի (Իրան)
2. Պարվիզ Նասիբով (Ուկրաինա)
3. Ֆրանկ Ստաբլեր (Գերմանիա) և Մոհամեդ Էլսայեդ (Եգիպտոս)

77 կգ

1. Տամաշ Լորինց (Հունգարիա)
2. Ակժոլ Մահմուդով (Ղրղզստան)
3. Սյոհեյ Յակուբու (Ճապոնիա) և Ռաֆիգ Հուսեյնով (Ադրբեջան)

87 կգ

1. Ժան Բելենյուկ (Ուկրաինա)
2. Վիկտոր Լորինց (Հունգարիա)
3. Դենիս Կուդլա (Գերմանիա) և Զուրաբ Դատունաշվիլի (Սերբիա)

97 կգ

1. Մուսա Եվլոև (Ռուսաստան)
2. Արթուր Ալեքսանյան (Հայաստան)
3. Տադեուշ Միխալիկ (Լեհաստան) և Մոհամադհադի Սարավի (Իրան)

130 կգ

1. Միխայն Լոպես Նունիես (Կուբա)
2. Յակոբ Կաջայա (Վրաստան)
3. Ռիզա Կայլապ (Թուրքիա) և Սերգեյ Սեմյոնով (Ռուսաստան)

Ազատ ոճ

57 կգ

1. Զաուր Ուգիև (Ռուսաստան)
2. Կումար Ռավի (Հնդկաստան)
3. Թոմաս Գիլման (ԱՄՆ) և Նուրիսլամ Սանաև (Ղազախստան)

65 կգ

1. Տակուտո Օտոգուրո (Ճապոնիա)
2. Գաջի Ալիև (Ադրբեջան)
3. Գաջիմուրադ Ռաշիդով (Ռուսաստան) և Բադժրանգ Պունիա (Հնդկաստան)

74 կգ

1. Զաուրբեկ Սիդակով (Ռուսաստան)
2. Մոգոմեդխաբիբ Կադիմագոմեդով (Բելառուս)
3. Կայլ Դեյկ (ԱՄՆ) և Բեկզոդ Աբդուրռախմոնով (Ուզբեկստան)

86 կգ

1. Դևիդ Թեյլոր (ԱՄՆ)
2. Հասան Յազդանի (Իրան)
3. Արտուր Նայֆոնով (Ռուսաստան) և Մայլզ Ամին (Սան Մարինո)

97 կգ

1. Սբդուլռաշիդ Սադուլաև (Ռուսաստան)
2. Կայլ Սնայդեր (ԱՄՆ)
3. Ռեյներիս Սալաս (Կուբա) և Աբրահամ Կոնյեդո (Իտալիա)

125 կգ

1. Գեյբլ Ստիվսոն (ԱՄՆ)
2. Գենո Պետրիաշվիլի (Վրաստան)
3. Ամիր Հոսեյն Զարե (Իրան) և Տահա Ակգյուլ (Թուրքիա)

Ֆոտո՝ Reuters