Տոկիո-2020. ԱՄՆ-ի հերթական տիտղոսները, անվանի թենիսիստի դստեր հաջողությունը գոլֆում (ֆոտո)

13:34   7 օգոստոսի, 2021

Ճապոնիայի մայրաքաղաք Տոկիոյում ավարտին մոտեցող 32-րդ ամառային Օլիմպիական խաղերի նախավերջին օրը վիճարկվում են մեդալների 34 հավաքածուներ:

Գոլֆ կանանց մրցաշարի չեմպիոնի կոչումը նվաճեց ամերիկուհի Նելի Կորդան: Ամերիկացի անվանի թենիսիստ Պետր Կորդայի դուստրը անցավ 267 հարված (-17):

Օլիմպիական փոխչեմպիոն դարձավ ճապոնուհի Մոնե Ինամին (268), երրորդ տեղը գրավեց նորզելանդացի Լիդիա Կոն (268):

Լողափնյա վոլեյբոլի տղամարդկանց պայքարում օլիմպիական չեմպիոն դարձան նորվեգացիներ Անդրես Մոլան ու Կրիստիան Սերուման, որոնք եզրափակիչում 2:0 (21:17, 21:18) հաշվով հաղթեցին Ռուսաստանի թիմին: Բրոնզե մեդալ նվաճեց Քաթարի թիմը, որը երրորդ տեղի համար մրցախաղում հաղթել է լատվիացիներին՝ 2:0 (21:12, 21:18):

Ջրագնդակի կանանց պայքարում երրորդ անգամ անընդմեջ օլիմպիական չեմպիոնի կոչումը նվաճեց ԱՄՆ-ի հավաքականը: Եզրափակիչում ամերիկուհիները 14:5 հաշվով ուժեղ գտնվեցին Իսպանիայի հավաքականից: Բրոնզե մեդալակիր դարձած Հունգարիայի թիմը երրորդ տեղի համար խաղում 11:9 հաշվով ուժեղ գտնվեց ռուսներից:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.