Chessable Masters․ Լեւոն Արոնյանը դուրս մնաց պայքարից

23:55   6 օգոստոսի, 2021

Արագ շախմատի Chessable Masters օնլայն մրցաշարի կիսաեզրափակիչում Լեւոն Արոնյանը չկարողացավ հաղթահարել վիետնամցի Լե Կուանգ Լիեմի արգելքը։

Հայ գրոսմայստերը մրցամարտի առաջին օրը չորս պարտիայում պարտվել էր 1։3 հաշվով։ Երկրորդ օրը Լեւոն Արոնյանը կարողացավ հավասարեցնել ընդհանուր հաշիվը՝ տանելով հաղթանակ (4 պարտիա, 2,5։1,5)։ Թայ-բրեյքում Լե Կուանգ Լիեմը 3 պարտիայում հաղթեց 2։1 հաշվով

Հիշեցնենք, որ քառորդ եզրափակիչում Լեւոն Արոնյանը պայքարից դուրս էր թողել ադրբեջանցի Շահրիյար Մամեդյարովին։

Chessable Masters մրցաշարը 1,6 միլիոն դոլար մրցանակային հիմնադրամ ունեցող Meltwater Champions Chess Tour-ի 8-րդ փուլն է։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։