RAC1. Մեսին հրաժարվել է նոր պայմանագիր կնքել «Բարսելոնայի» հետ
21:46 5 օգոստոսի, 2021Արգենտինացի հարձակվող Լիոնել Մեսին հրաժարվել է նոր պայմանագիր կնքել «Բարսելոնայի» հետ, հաղորդում է Կատալոնիայի գլխավոր ռադիոկայան RAC1–ը։ Նշվում է, որ Մեսին չի հավատում կատալոնական ակումբի նախագծին։ Իսպանական Marca-ն եւս հաղորդում է Մեսիի եւ «Բարսելոնայի» անհաջող բանակցությունների մասին։ Ակումբի նախագահ Ժոան Լապորտան վերանայել է առաջարկը՝ խնդրելով ֆուտբոլիստին համաձայնել աշխատավարձի զգալի կրճատման։
Մեսին արձակուրդից հետո վերադարձել է Կատալոնիա։ Սպասվում էր, որ առաջիկայում 34-ամյա ֆուտբոլիստը նոր պայմանագիր կկնքի «Բարսելոնայի» հետ:
Հուլիսի 1-ից «Բարսելոնայի» ավագը ստացել է ազատ գործակալի կարգավիճակ:
Հիշեցնենք, որ նախորդ ամռանը Մեսին ցանկանում էր հեռանալ «Բարսելոնայից», սակայն ակումբը բաց չթողեց նրան: Ավարտված մրցաշրջանում արգենտինացին «Բարսելոնայի» կազմում բոլոր մրցաշարերում անցկացրել է 47 հանդիպում, դարձել 38 գոլի ու 14 գոլային փոխանցման հեղինակ: Նա 2005 թվականից է հանդես գալիս կատալոնացիների գլխավոր թիմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։