Լուի վան Գալը պատմել է, թե ինչու է 3-րդ անգամ գլխավորել Հոլանդիայի հավաքականը
17:20 5 օգոստոսի, 2021Լուի վան Գալը մեկնաբանել է իր նշանակումը ֆուտբոլի Հոլանդիայի հավաքականի գլխավոր մարզիչի պաշտոնում:
«Հոլանդական ֆուտբոլը միշտ մոտ է եղել ինձ, իսկ ազգային հավաքականի գլխավոր մարզիչի պաշտոնն առանցքային գործոն է մեր ֆուտբոլի զարգացման հարցում:
Մինչև առաջիկա խաղերը քիչ ժամանակ է մնում, և դրանք կարևոր կլինեն աշխարհի առաջնության ուղեգիր նվաճելու հարցում: Այդ պատճառով հիմա ամբողջ ուշադրությունը սևեռված է խաղացողներին ու աշխատանքի հանդեպ մոտեցմանը: Ինձ նշանակել են հենց դրա համար»,- 69-ամյա հոլանդացի մասնագետի խոսքը մեջբերում է Goal.com-ը:
Հիշեցնենք, որ Լուի վան Գալի ու Հոլանդիայի թագավորական ֆուտբոլային միության միջև պայմանագիրը նախատեսված է մինչև 2022թ. աշխարհի առաջնության ավարտը: Հոլանդիայի հավաքականի գլխավոր մարզիչի պաշտոնը թափուր էր Ֆրանկ դե Բուրի հրաժարականից հետո:
Լուի վան Գալը Հոլանդիայի հավաքականը գլխավորել է 2000-2001-ը և 2012-2014-ը, իսկ ԱԱ-2014-ում դարձել է բրոնզե մեդալակիր: 2016-ից մարզիչը գործազուրկ է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։