Տոկիո-2020. Ռուսաստանի 15-րդ ոսկին, Բուրկինա Ֆասոյի պատմական մեդալն ու Ռիո-2016-ի պատվո հարթակի կրկնությունը (ֆոտո)

11:35   5 օգոստոսի, 2021

Ճապոնիայի մայրաքաղաք Տոկիոյում շարունակվող 32-րդ ամառային Օլիմպիական խաղերում օգոստոսի 5-ին վիճարկվում են մեդալների 28 հավաքածուներ։

Բռնցքամարտի տղամարդկանց 57 կգ քաշային կարգի չեմպիոն դարձավ Ալբերտ Բատիրգազիևը, որը նվաճեց նվաճեց Ռուսաստանի 15-րդ ոսկե մեդալը Տոկիո-2020-ում: Եզրափակիչում 23-ամյա բռնցքամարտիկն ուժեղ գտնվեց ԱՄՆ-ի ներկայացուցիչ Դյուկ Ռագանից: Դա բռնցքամարտի Ռուսաստանի թիմի առաջին ոսկե մեդալն էր Տոկիոյում:

Աթլետիկայի մրցաշարի տղամարդկանց եռացատկի օլիմպիական չեմպիոնի կոչումը նվաճեց պորտուգալացի Պեդրո Պիչարդոն, որը գրանցեց 17,98 մետր արդյունք: Երկրորդ տեղը գրավեց չինացի Յամինա Չժուն (17,57), իսկ բրոնզե մեդալակիր դարձավ Բուրկինա Ֆասոյի ներկայացուցիչ Ֆաբրիս Զանգոն (17,47): 28-ամյա Զանգոն նվաճեց Բուրկինա Ֆասոյի պատմության առաջին մեդալն Օլիմպիական խաղերում:

Աթլետիկայի մրցաշարի տղամարդկանց գնդի հրման մրցաշարում օլիմպիական ռեկորդով հաղթեց ամերիկացի Ռայան Կրաուզերը (23,30 մետր): Օլիմպիական փոխչեմպիոն դարձավ ԱՄՆ-ի մեկ այլ ներկայացուցիչ Ջո Մատիաս Կովաչը (22,65), իսկ բրոնզե մեդալը բաժին հասավ նորզելանդացի Տոմաս Ուոշին (22,47): Հատկանշական է, որ Ռիո-2016 Օլիմպիական խաղերի այս մրցաձևում ևս մրցանակային նույն տեղերում հայտնվել էին այս մարզիկները:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.